Күндү Саха сирин олохтоохторо уонна ыалдьыттара.

Ил Дархан Айсен Сергеевич Николаев 2023-2027 сс. саха литературатын төрүттээччитэ, бөлүһүөк Алексей Елисеевич Кулаковскай — Өксөкүлээх Өлөксөй биэс сылынан биллэрбитэ. Кулун тутар 16 күнүгэр (суббуота) Өксөкүлээх Өлөксөй төрөөбүт күнэ. 

Барыла:

11:00 «Таатта» литература-художественнай түмэлигэр (Хадаайы) Өксөкүлээх Өлөксөй балаҕанын көмүлүөк оһоҕуттан Өрөспүүбүлүкэ үрдүнэн көстөр быһа холбонуунан (СИГЭТЭ https://vk.com/call/join/r4AGOslqjh_Bijun5oEjIQ_arsulWuLYo8RIq3lzF9Q ) «Өксөкүлээх сардаҥата» уоту ылыы. Таатта улууһун баһылыга Айаал Семенович Бурцев, Өксөкүлээх Өлөксөй сиэнэ, РФ үөрэҕириитин туйгуна, СӨ үөрэҕириитин бочуоттаах бэтэрээнэ, Таатта улууһун бочуоттаах олохтооҕо Рива Реасовна Кулаковская Өксөкүлээх сардаҥатын Саха сиригэр сандаардыахтара. Оскуолаларга уоттары уматыахтара, кини айар үлэтин, олоҕун кэпсэтиэхтэрэ.